Transcript of video
Ina ka hoko rawa koe, ka utu rānei i tētahi ratonga, tērā ngā ture hei tiaki i ō tika kiritaki.
Nō konei ka taea e koe ētahi āhuatanga te kawatau. Ka tiakina ō tika e te Ture Taurangi Kiritaki ina ka hoko mai koe i tētahi rawa i te pakihi, pēnei i te toa, ka utu rānei i tētahi tangata māna e whakarato he ratonga pēnei i te hanga whare, i te mahi kai rānei.
He nui ō tika kiritaki, engari tērā ētahi me mātua mōhio. Ina ka utu koe i te rawa, i te ratonga rānei, ka taea e koe te kawatau he haumaru ia, he rite te kounga, ā, kāore he hapa. Ka taea hoki te kawatau ka rite te rawa, te ratonga ki tōna kaupapa, arā ka
āta mahi i tāna mahi – nā, he tīkera ka whakawera i te wai, he tuanui ka ārai i
te ua.
Ki te hoko mai koe i tētahi mea kāore i te tika te mahi, ka tere pakaru, ka kore rānei e mahi i tāu i mahara ai, kei te whai tikanga koe kia whakatikatikatia, kia kurutetetia, kia whakahokia mai rānei tō moni.
Ka tiakina koe e te Ture Taurangi Kiritaki ina ka hoko rawa, ratonga rānei i ngā pakihi tauhokohoko o Aotearoa – kaua i ngā hoko tūmatawhāiti, kaua i ngā hoko mai i tāwāhi.
Mehemea ka hua he raruraru i tāu i hoko ai, i te ratonga rānei i utu ai koe, me maumahara ki ngā ture hei tiaki i ō tika kiritaki.