Transcript of video
‘I ho‘o fakatau ha koloa pe totongi ha sēvesi, ‘oku ‘i ai e ngaahi lao ke malu‘i ho‘o ngaahi totonu΄ ko e tokotaha fakatau΄.
‘Oku ‘uhinga eni ‘oku ‘i ai e ngaahi me‘a ke ke ‘amanaki ki ai. ‘Oku malu‘i ‘e he Consumer Guarantees Act ho‘o ngaahi totonu΄ ‘i ha‘o fakatau ha me‘a mei΄ ha pisinisi fefakatau‘aki, hangē ko ha falekoloa, pe haea ‘o ha tokotaha ke ne fakahoko ha sēvesi, hangē ko ha langa fale pe teuteu‘i ‘o ha me‘atokoni.
‘Oku lahi ho‘o ngaahi totonu΄ ‘i ha‘o fakatau, kā ‘oku lelei ke ke ‘ilo ki honau ni‘ihi pau. ‘I ho‘o totongi ha ngaahi koloa pe sēvesi, te ke ‘amanaki te nau malu, ‘i ha tu‘unga lelei, pea hao foki mei΄ he maumau΄. Te ke toe ala ‘amanaki atu foki ke nau ‘aonga ki he taumu‘a na‘e fakatau kinautolu ki ai΄. ‘O ‘uhinga ia te nau fakakakato ‘a e taumu‘a na‘e fo‘u nautolu ki ai΄ - ko e tikatele΄ te ne fakalili ‘a e vai΄, pea ‘e ta‘ofi ‘e he ‘ato΄ ‘a e ‘uha΄ ke ‘oua ‘e hū ki lotofale.
Ka ke ka fakatau ha me‘a ‘oku ‘ikai ngāue, maumau vave, pe ‘ikai ‘aonga ki he me‘a ne fo‘u ki ai΄, ‘oku΄ ‘i ai ho‘o totonu ke fakalelei‘i ia, fakafetongi pe ‘i he taimi ‘e ni‘ihi - fakafoki atu ‘a ho‘o pa‘anga΄, mei΄ he tokotaha na‘a΄ ne fakatau atu΄ pe fakahoko ‘a e sēvesi΄.
‘Oku malu‘i pē koe ‘e he Consumer Guarantees Act ‘i he taimi ‘oku΄ ke fakatau ai mei΄ he ngaahi pisinisi fefakatau‘aki ‘i Nu‘u Sila΄ – ‘ikai kau ai ‘a e fakatau taautaha΄ pe mei tu‘apule‘anga΄.
Ka ‘oku ‘i ai ha palopalema mo ha‘o fakatau, pe sēvesi kuo΄ ke totongi, manatu‘i ‘oku ‘i ai e ngaahi lao ke tokangaekina ‘a ho‘o ngaahi totonu fakatau΄.